Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Archiv dal stadi dal Grischun è responsabel per preservar e per manar vinavant la tradiziun istorica dal chantun. Sia collecziun metta ella a disposiziun a la perscrutaziun ed a la publicitad interessada. Ils proxims onns èsi planisà da surpigliar ed elavurar l'archiv da la Viafier retica.
Per l'Archiv dal stadi tschertgain nus per il 1. da schaner 2026 u tenor cunvegna in'archivara scientifica u in archivar scientific.
Voss champ d'incumbensas
- Vus tgirais ils effectivs da l'archiv da la Viafier retica e documents parentads ed essas responsabla u responsabel en quest sectur per tut ils process d'archivaziun centrals.
- Vus rinforzais il team cataloghisaziun / digitalisaziun e realisais en moda independenta projects da quest sectur.
- Vus sustegnais la lavur da publicitad da l'Archiv dal stadi e cussegliais las utilisadras ed ils utilisaders sco er projects da perscrutaziun.
Quai che nus giavischain da Vus
- Vus avais terminà in studi da scola auta spezialisada en scienza d'infurmaziun, in studi d'istorgia u ina scolaziun cumparegliabla ed avais bunas enconuschientschas dals process da lavur en in archiv.
- Vus lavurais en moda effizienta, precisa ed orientada als resultats.
- Vus avais experientscha en il management da projects e communitgais en moda persvadenta e clera.
- Vus avais ina gronda cumpetenza sociala e lavurais gugent en il team.
- Bunas enconuschientschas da l'informatica sco er enconuschientschas dal chantun Grischun, da sias linguas e da sia istorgia, cunzunt da l'istorgia da la viafier, èn d'avantatg.
Nus ans legrain da Vossa annunzia online e da far Vossa enconuschientscha.