Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per rinforzar noss team tschertgain nus per il 1. d'avrigl 2026 u tenor cunvegna ina referendaria u in referendari Protecziun dal clima ed innovaziun.
Voss champ d'incumbensas
- Sco referendaria u referendari essas Vus cunresponsabla u cunresponsabel per exequir la nova Lescha grischuna davart il clima e l'innovaziun (LGCI).
- Vus planisais ed organisais publicaziuns per ils causals da promoziun che pertutgan la LGCI.
- Vus giuditgais las dumondas da promoziun (ils projects) inoltradas ed elavurais ils documents da basa e las directivas da promoziun.
- Vus cooperais e sustegnais, sche auters uffizis han la responsabladad per ils projects.
- Ultra da quai essas Vus responsabla u responsabel per il monitoring dals effects e per il program dal clima e da l'innovaziun (planisaziun da plirs onns).
- Vus planisais ed organisais reuniuns da differents gremis e preparais ils cuntegns da las discussiuns.
- A medem temp gidais Vus ad exequir e sviluppar vinavant la politica chantunala dal clima sco er ad organisar il Forum dal clima che ha lieu mintg'onn entaifer l'administraziun.
- Vus coordinais la rapportaziun a la Confederaziun tenor ils art. 15 e 16 da l'Ordinaziun da CO2 e cussegliais posts spezialisads ed uffizis interns ed externs en dumondas specificas davart il clima.
- Vus mettais a disposiziun Vossa savida en gruppas da lavur interdisciplinaras chantunalas e naziunalas e tgirais il barat cun differentas gruppas d'interess.
Quai che nus giavischain da Vus
- Vus avais terminà in studi da scola auta u da scola auta spezialisada en direcziun scienzas natiralas.
- Vus avais experientscha cun giuditgar projects ed in flair per cifras e per dumondas economicas.
- D'avantatg èn experientscha en l'administraziun ed en l'industria, principalmain en las industrias grondas ed en ils secturs da la tecnica d'energia e da procedura sco er l'experientscha cun publicaziuns da concurrenza.
- Vus essas disada u disà d'avair contact cun clientella ed As preschentais cun respect envers las gruppas da contact.
- Vus savais As far valair e mantegnais la quietezza e la prudientscha en situaziuns da conflict.
- Vus avais abilitads organisatoricas e communicativas ed essas ina persunalitad iniziativa che pensa tenor princips d'interpresa e che ha ina gronda prontezza a l'acziun.
- Vus avais in bun dun receptiv ed essas flexibla u flexibel sco er pronta u pront d'As approfundar en novas tematicas.
- Premess vegni che Vus sappias perfetgamain tudestg a bucca ed en scrit, per pudair ademplir las incumbensas attribuidas a Vus. Enconuschientschas d'ina segunda lingua chantunala (rumantsch u talian) sco er da l'englais èn d'avantatg.
Nus ans legrain da Vossa annunzia online e da far Vossa enconuschientscha.