Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Post spezialisà Management chantunal da smanatschas da la Polizia chantunala dal Grischun (Post spezialisà MCS GR) lavura en il chantun Grischun sco team interdisciplinar en la protecziun proactiva cunter la violenza. Il Post spezialisà MCS surpiglia ina funcziun da coordinaziun e da cussegliaziun e gida – ensemen cun las organisaziuns partenarias relevantas – ad impedir grevs acts da violenza intenziunads, quai cun percorscher a temp signals d'avertiment sco er cun valitar e mitigiar en moda professiunala situaziuns da privel.
Per rinforzar noss team tschertgain nus tenor cunvegna ina spezialista u in spezialist en lavur sociala MCS.
Voss champ d'incumbensas
- Elavurar en moda cumpetenta situaziuns da periclitaziun sco er constatar a temp potenzials d'escalaziun per impedir grevs delicts da violenza
- Far valitaziuns da las ristgas tenor standards scientifics
- Manar cas operativs dal MCS resguardond las prescripziuns legalas sco er il process dal MCS
- Garantir la collavuraziun cun autoritads ed instituziuns chantunalas ed extrachantunalas en connex cun la gestiun da cas operativa per impedir grevs delicts da violenza
- Coordinar mesiras tranter las autoritads per proteger persunas, autoritads ed instituziuns periclitadas
- Far lavur da colliaziun activa, principalmain en il sectur da la lavur sociala
- Participar a gremis spezialisads cun temas specifics sco er a gruppas da lavur e da project en il sectur dal management da smanatschas
Quai che nus giavischain da Vus
- Studi da scola auta terminà en lavur sociala
- Experientscha professiunala da plirs onns en la lavur cun persunas pertutgadas da violenza u cun persunas prontas d'utilisar violenza
- Enconuschientschas da la valitaziun da ristgas e dal management da la periclitaziun (p.ex. Octagon u instruments cumparegliabels)
- Bunas enconuschientschas da las basas giuridicas en il sectur dal dretg penal, da process penals e da la protecziun da victimas
- Experientscha da collavurar tranter autoritads e da coordinar constellaziuns da cas cumplexas
- Ina gronda abilitad da supportar squitsch, abilitad da schliar conflicts e da decider sco er ina demananza segira er en situaziuns pretensiusas
- Fitg bunas abilitads da communitgar e da crear raits sco er l'abilitad da lavurar en teams interdisciplinars en moda orientada a la soluziun
- Pensar analitic, moda da lavurar structurada e senn da responsabladad
- Prontezza da sa perfecziunar cuntinuadamain en il sectur dal management da smanatschas e da ristgas
- Fitg buna expressiun a bucca ed en scrit en tudestg, enconuschientschas da linguas estras èn d'avantatg
Nus ans legrain da Vossa annunzia online e da far Vossa enconuschientscha.