Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun da taglia è cumpetenta per incassar las taglias directas en il chantun Grischun. Ella sustegna las burgaisas ed ils burgais en fatgs da taglia e procura per in incassament da taglia gist ed effizient. En quest connex surpiglia la partiziun Servetschs administrativs lavurs administrativas en differents secturs interns e garantescha il contact extern cun las burgaisas ed ils burgais.
Perquai ch'il titular da la plazza va en pensiun, tschertgain nus per l'Administraziun da taglia, partiziun Servetschs administrativs, per il 1. da matg 2026 u tenor cunvegna ina manadra u in manader da la partiziun Fatgs da persunal, d'acquisiziun e da scan. Sin plaun administrativ procurais Vus, ch'ils secturs dal servetsch postal, dal center da scan e da telefonia funcziunian senza disturbis e liquidais – sco responsabla u responsabel per il persunal dal post da servetsch – l'administraziun dal persunal sco er diversas ulteriuras lavurs administrativas.
Voss champ d'incumbensas
- Responsabla u responsabel per il persunal da post da servetsch
- Manar il team da telefonia, dal biro da posta e dal center da scan
- Elavuraziun dals crediturs
- Acquisiziun da mobigliar, da material da biro e da stampats
- Diversas lavurs administrativas
Quai che nus giavischain da Vus
- Emprendissadi commerzial terminà u scolaziun equivalenta
- Experientscha ed affinitad per ils fatgs da persunal e per il process da budgetaziun
- En il cas ideal furmaziun supplementara en assistenza da direcziun e/u management da projects
- Chapientscha e survista da la contabilitad
- Experientscha cumprovada da manar persunas
Nus ans legrain da Vossa annunzia online e da far Vossa enconuschientscha.