Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il Museum d'art dal Grischun tschertgain nus per il 1. da schaner 2026 ina restauratura u in restauratur.
Voss champ d'incumbensas
- Conservar e restaurar objects en il rom da la tgira da las collecziuns, d'exposiziuns e d'emprests
- Planisar mesiras da restauraziun e da conservaziun e realisar restauraziuns
- Tgirar e conservar ils objects en ils locals d'exposiziun ed en il deposit sco er instruir l'entir persunal areguard il tractament, la montascha, la tgira ed il deposit d'objects
- Far documentaziuns
Quai che nus giavischain da Vus
- Diplom da scola auta en conservaziun e restauraziun per maletgs e per sculpturas
- Experientschas or d'ina lavur independenta u en in manaschi da museum
- Inschign manual cun bunas enconuschientschas dals materials e da la tecnologia d'art sco er da las metodas da conservaziun e da restauraziun
- Bunas enconuschientschas dals programs usitads da l'elavuraziun da texts e da maletgs
- Moda da lavurar independenta sco er fitg bunas abilitads organisatoricas
- Enconuschientschas d'ina segunda lingua chantunala
Nus ans legrain da Vossa annunzia online e da far Vossa enconuschientscha.