Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Tgi essan nus?
Sco referendaria u referendari per delicts economics As occupais Vus cun il vast spectrum da las dumondas relevantas per il dretg penal, che sa basan sin l'economia. Vus faschais retschertgas polizialas en connex cun delicts economics classics, sco la defraudaziun e la gestiun malfidaivla, sco er en il sectur da delicts d'engion. Plinavnat cumpiglia il champ d'activitad captivant investigaziuns en connex cun delicts da concurs e da scussiun sco er en il sectur da delicts da falsificaziun da documents e da lavada da daners. Vus examinais e retschertgais material d'actas voluminus en vista a causals penals pussaivels, exequis ils acts d'investigaziun necessaris e rapportais Vossas enconuschientschas per mauns da la Procura publica. Vus collavurais stretgamain cun differentas partiziuns da la Polizia chantunala e da la Procura publica e sustegnais talas en secturs professiunals. Sco referendaria u referendari per delicts economics surpigliais Vus in'activitad cun senn e da gronda responsabladad en in ambient da lavur nunusità.
Tschertgais Vus ina nova sfida professiunala en in champ da lavur multifar ed interessant ed essas pronta u pront d'As sviluppar permanentamain vinavant «on the job»?
Alura essas Vus la dretga persuna per nus.
Per rinforzar noss team tschertgain nus tenor cunvegna ina referendaria u referendari per delicts economics.
Voss champ d'incumbensas
- Manar proceduras d'investigaziun en conturns economics, en emprima lingia en talian (entir territori chantunal, principalmain Grischun dal Sid)
- Manar en atgna responsabladad las proceduras d'investigaziun attribuidas
- Planisar e realisar las intervenziuns e las mesiras repressivas da la polizia, ch'èn necessarias per eruir ils fatgs
- Sustegnair la Polizia da front ad investigar en il sectur dal dretg penal da facultad
- Sa procurar infurmaziuns per renconuscher a temp delicts economics
Quai che nus giavischain da Vus
- Enconuschientschas commerzialas / da l'economia da manaschi
- Chapientscha dals connexs economics da basa
- Affinitad per cifras ed interess per fatgs cumplexs / actas voluminusas
- Moda da pensar cumplessiva e moda da lavurar structurada
- Buna expressiun a bucca ed en scrit en tudestg
- Interess per las applicaziuns d'informatica specificas per l'investigaziun
- Abilitad da lavurar en in team, flexibilitad ed abilitad da supportar squitsch
- Abilitad d'elavurar cas en talian
- Chapientscha da causals ed abilitad da communitgar en tudestg
- Ulteriuras enconuschientschas da linguas estras (englais / franzos) èn d'avantatg
Nus ans legrain da Vossa annunzia online e da far Vossa enconuschientscha.