Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Nus tschertgain ina commembra u in commember da la APUC per la APUC Grischun, filiala Grischun Central / Moesa, cun lieu da lavur Tusaun sco er en cas da basegn Roveredo, quai per ina substituziun da maternitad davent dal 1. da favrer 2026 fin ils 30 da settember 2026.
Voss champ d'incumbensas
- Elavurar decisiuns entaifer il collegi giuditgant e surpigliar la cunresponsabladad per ordinar e per adattar las mesiras da la protecziun d'uffants e da creschids
- Manar las proceduras dals cas attribuids sco er rediger ed elavurar las decisiuns respectivas en tudestg e talian
- Giuditgar giuridicamain dumondas dal dretg da procedura e dal dretg material ed applitgar correctamain il dretg
- Far agens scleriments e surdar incumbensas da scleriment
- Tadlar persunalmain persunas che basegnan protecziun ed ulteriuras persunas participadas
- Cussegliar ed accumpagnar procuraturas e procuraturs
- Collavurar cun vischnancas e cun instituziuns e posts spezialisads externs
Quai che nus giavischain da Vus
- Studi universitar terminà en il sectur da giurisprudenza, studi da scola auta u scolaziun equivalenta en lavur sociala, pedagogia, psicologia u psichiatria
- Experientscha professiunala da plirs onns en la lavur sociala legala, da preferenza en il sectur da la protecziun d'uffants e da persunas creschidas d'ina APUC u en la curatella professiunala, en ina dretgira u en ina procura per giuvenils
- Fitg bunas enconuschientschas dal tudestg e bunas enconuschientschas dal talian a bucca ed en scrit
- Grond plaschair da lavurar en in team
- Fitg bun dun receptiv e prontezza d'emprender
- Gronda cumpetenza sociala ed empatia envers persunas en situaziuns da vita difficilas
- Flexibilitad, ina gronda abilitad da supportar squitsch e forza da decider er en situaziuns difficilas
- Moda da lavurar exacta ed independenta sco er in grond senn da responsabladad
- Fitg bunas abilitads da s'exprimer linguisticamain sco er bunas enconuschientschas d'utilisar ils programs da Microsoft Office
- Permiss da manischar da la categoria B
Nus ans legrain da Vossa annunzia online e da far Vossa enconuschientscha.