Collavuratura spezialisada u collavuratur spezialisà Promoziun da la sanadad e prevenziun

Uffizi da sanadad | 50–60 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Post spezialisà per la promoziun da la sanadad realisescha campagnas e programs chantunals per promover la sanadad da la populaziun. Ultra da quai coordinescha el cun agid d'incaricas da prestaziun differentas purschidas da prevenziun (sco tgira da dents en scola u agid cunter AIDS) e garantescha la qualitad da quellas. 

Per il Post spezialisà per la promoziun da la sanadad tschertgain nus per il 1. da schaner 2026 u tenor cunvegna ina collavuratura spezialisada u in collavuratur spezialisà Promoziun da la sanadad e prevenziun.

Voss champ d'incumbensas

  • Esser la persuna da contact per la tgira da dents en scola, elavurar dumondas per realisar projects e s'occupar da las cunvegnas da prestaziun cun organisaziuns partenarias.
  • Planisar, realisar ed evaluar projects en il rom dals programs chantunals pertutgant la promoziun da la sanadad e prevenziun. Ils accents tematics èn: rinforzar la sanadad psichica, promover in nutriment saun ed il moviment e prevegnir dependenzas. 

Quai che nus giavischain da Vus

  • Vus avais terminà ina scolaziun en il sectur da la promoziun da la sanadad/prevenziun, dals fatgs socials u da la communicaziun (bachelor) u ina scolaziun cumparegliabla e/u supplementara en il sectur da la promoziun da la sanadad e prevenziun (p.ex. CAS).
  • Intgins onns experientscha en il sectur da la promoziun da la sanadad e prevenziun u en in sectur sumegliant
  • Vus essas ina persuna orientada exprimidamain al team ed a la prestaziun da servetschs
  • Vus avais in'expressiun segira ed exacta en scrit per tudestg e fitg bunas enconuschientschas da l'informatica
  • En il cas ideal savais Vus pliras linguas chantunalas

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da sanadad
Hofgraben 5
7001 Cuira
Per dumondas davart la professiun stat Denise Rudin, manadra dal Post spezialisà per la promoziun da la sanadad sut il numer da telefon 081 207 64 02 gugent a Vossa disposiziun.

Termin d'annunzia: 28 d'october 2025
Nus ans legrain da Vossa annunzia online e da far Vossa enconuschientscha.
S'annunziar online