Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. d'avust 2026 tschertga la partiziun Inspecturat da scola da l'Uffizi per la scola populara ed il sport ina inspectura u in inspectur da scola per l'Inspecturat districtual Surselva.
Voss champ d'incumbensas
- Sco inspectura u inspectur da scola survegliais Vus las scolas attribuidas a Vus e collavurais en il rom dal giudicament e da la promoziun da scolas.
- Ultra da quai essas Vus cumpetenta u cumpetent per la cussegliaziun spezialisada en dumondas pedagogicas e didactic-metodicas sco er en dumondas da la planisaziun da scola.
- Tar Voss champ d'incumbensas tutgan er la cooperaziun a lavurs da concept ed a lavurs administrativas da l'uffizi sco er l'evaluaziun d'instituziuns da la scolaziun speziala.
Quai che nus giavischain da Vus
- Vus avais terminà ina scolaziun sco persuna d'instrucziun ed avais fatg scolaziuns supplementaras en il sectur pedagogic ed en la furmaziun da persunas creschidas.
- Experientscha da direcziun entaifer u ordaifer la scola è giavischada.
- Cumpetenzas metodologicas en il management da projects ed enconuschientschas dal svilup d'organisaziuns èn d'avantatg.
- Premessas vegnan l'abilitad da lavurar en in team, ina gronda cumpetenza communicativa e sociala, l'abilitad da supportar squitsch e forza da persvader, ina buna expressiun a bucca ed en scrit per rumantsch e per tudestg sco er enconuschientschas da las tecnologias d'infurmaziun.
- Experientscha professiunala da plirs onns en conturns pedagogics cumpletteschan Voss profil.
Nus ans legrain da Vossa annunzia online e da far Vossa enconuschientscha.