Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e d'ulteriurs circuls che han in connex cun temas da l'agricultura. Per quests intents maina el agens bains purils en quatter differents lieus, inclusiv duas butias dal bain puril. Il bain puril Waldhaus a Cuira vegn cultivà tenor directivas biologicas e cumpiglia il center da cumpetenza per la tratga da muvel manidel (chauras da latg, nursas da latg, nursas-mamma e giaglinas che ovan), ina surfatscha utilisada da l'agricultura da 40 hectaras cun producziun da pavel, cun ina cultivaziun d'ers variada, cun pumicultura sco er cun in'atgna butia dal bain puril.
Per il 1. da schaner 2026 u tenor cunvegna tschertgain nus ina collavuratura u in collavuratur cun accent sin cultivaziun da funs (cultivaziun d'ers e da pavel) e sin mecanisaziun per il bain puril Waldhaus a Cuira.
Voss champ d'incumbensas
- Far independentamain las lavurs en la cultivaziun d'ers e da pavel sin noss manaschi biologic cun ina surfatscha d'ers da var 15 ha e da prads e pastgira da 23 ha sco er cun ina plantascha da puma dad 1 ha
- Cooperar a las lavurs en la tegnida d'animals (pavlar, mulscher ed ulteriuras lavurs en stalla)
- Far substituziuns durant las fins d'emna en la stalla da muvel manidel
- Realisar lavurs da mantegniment e da reparatura vi da maschinas, apparats ed indrizs agriculs
- Far las lavurs da conturn
- Porscher sustegn en connex cun ulteriuras lavurs dal manaschi tenor basegn
Quai che nus giavischain da Vus
- Emprendissadi terminà da pura u pur ubain da mecanista u da mecanist da maschinas agriculas cun experientscha en l'agricultura
- Enconuschientschas pli profundas da la cultivaziun d'ers e da la producziun da pavel sco er interess per la lavur en stalla
- Lavurar en moda autonoma cun maschinas agriculas
- Dun per far lavurs da mantegniment vi da maschinas ed apparats
- Permiss da manischar da la categoria B cun examen da chars annexs, ev. examen da manischar plunaders
- La lingua da lavur generala è tudestg. Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.