Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Las Ovras electricas Alvra-Landwasser SA (OEAL) utiliseschan dapi il 1967 la forza idraulica da l'Alvra e dal Landwasser sco er da lur affluents a l'ovra electrica Filisur. Dapi il 1989 utiliseschan ellas ultra da quai la forza idraulica da l'Alvra en l'ovra electrica Casti.
Las OEAL èn organisadas sco ovra partenaria. Il chantun Grischun è participà a tala cun 5 % (OEAL).
La Regenza dal chantun Grischun ha il dretg da suttametter al cussegl d'administraziun da las OEAL – per mauns da la radunanza generala – ina proposta electorala per sa participar al cussegl d'administraziun da la societad (represchentanza chantunala).
Voss champ d'incumbensas
En il rom dal process da nominaziun tschertga il chantun Grischun ina persunalitad cumpetenta e prospectiva che
- enconuscha l'ambient da la politica d'energia sin plaun naziunal e chantunal ed è buna da far valair ils interess grischuns dal chantun e da las vischnancas,
- ha experientscha en process strategics ed è abla da s'integrar correspundentamain,
- pensa tenor princips d'interpresa ed ha chapientscha per l'economia d'energia,
- ha in connex cun il chantun resp. cun la regiun.
Nus ans legrain da Vossa annunzia online e da far Vossa enconuschientscha.