Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per il traffic sin via è cumpetent per admetter al traffic vehichels, bartgas sco er manischunzas e manischunzs, ed er per controllar periodicamain vehichels e bartgas, per relaschar mesiras administrativas cunter manischunzas e manischunzs fallibels sco er per imponer ed incassar taglias da traffic.
Per l'Uffizi per il traffic sin via tschertgain nus per il 1. da mars 2026 u tenor cunvegna ina praticanta u praticant en il sectur Mesiras administrativas (admoniziuns, retratgas dal permiss da manischar e.u.v.).
Voss champ d'incumbensas
- Sustegnair las referendarias ed ils referendaris ch'èn responsabels per ils cas
- Liquidar lavurs administrativas multifaras
- Dar infurmaziuns al telefon ed en scrit
- Far servetsch al spurtegl
- Liquidar lavurs d'administraziun en il sectur specific Mesiras administrativas
Quai che nus giavischain da Vus
- Furmaziun professiunala/scolastica currenta u terminada
- Interess per andaments administrativs e per il servetsch public
- Enconuschientschas da basa en MS Office (Word, Excel, Outlook)
- Moda da lavurar independenta e premurusa
- Discreziun en connex cun infurmaziuns confidenzialas
- Abilitad da lavurar en in team e fidadadad
Quai purschain nus
- Invista da la lavur d'ina administraziun chantunala
- Ambient da lavur colleghial e sustegnint
- Accumpagnament tras collavuraturas e collavuraturs cun experientscha
- Pussaivladad da gidar a concepir e da collavurar activamain
Nus ans legrain da Vossa annunzia online e da far Vossa enconuschientscha.