Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
L'Uffizi da militar e da protecziun civila è il post chantunal spezialisà per tut ils fatgs en ils secturs militar, protecziun civila e protecziun da la populaziun ed exequescha las leschas respectivas.
Il sectur Protecziun civila Edifizis è responsabel per la construcziun da locals da protecziun tenor las prescripziuns da la Confederaziun. En connex cun tut las mesiras da construcziun da la protecziun civila è el plinavant il post da contact per las persunas responsablas per la construcziun, per instituziuns e per autoritads communalas.
Per il 1. da schaner 2026 u tenor cunvegna tschertga l'Uffizi da militar e da protecziun civila ina referendaria u in referendari e collavuratura u collavuratur da project per il sectur Protecziun civila Edifizis.
Tes champ d'incumbensas
- En moda fidada sustegnas ti nus tar lavurs administrativas.
- En projects currents ta fas ti valair en moda activa e ti sustegnas las collavuraturas ed ils collavuraturs che lavuran vi dals projects.
- Ti mainas la correspundenza cun gruppas d'interess internas ed externas
- Ti communitgeschas gugent e lavuras en moda structurada.
Quai giavischain nus da tai
- Ti has terminà ina scolaziun commerziala e vuls far emprimas experientschas en in team motivà ubain returnar en la professiun.
- Tia avertadad per novaziuns e tes plaschair da lavurar cun meds digitals ta qualifitgeschan per questas incumbensas.
- Enconuschientschas dal talian u dal rumantsch èn d'avantatg.
- Prontezza a l'acziun, flexibilitad, fidadadad ed abilitad da lavurar en in team ta distinguan.
Nus ans legrain da tia annunzia online e d'emprender d'enconuscher tai.