Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Per il 1. da december 2025 u tenor cunvegna tschertgain nus ina substituta u in substitut dal manader da l'ufficina d'industria.
Voss champ d'incumbensas
- Manar, assister ed instruir las persunas collocadas assegnadas, e quai tenor princips da l'accumpagnament socioprofessiunal (incl. qualificaziun, rapports e.u.v.)
- Promover las persunas collocadas en lur svilup professiunal e social
- Organisar ils process da la producziun incl. controlla da la qualitad dals products
- Procurar per in manaschi da lavur ordinà ed effizient sco er per la realisaziun e l'observanza da la segirezza da lavur
- Far calculaziuns, offertas e rendaquints en collavuraziun cun il manader da l'ufficina ed il manader dal sectur Lavur ed economia
- Cooperar tar l'acquisiziun d'incumbensas da la clientella e tgirar la clientella
- Gidar a far il preventiv per il sectur specific
- Controllar e visar documents da furniziun e quints
- Tgirar las maschinas ed ils apparats
- Collavurar stretgamain cun tut ils secturs dal stabiliment giudizial Cazas Tignez
Quai giavischain nus da Vus
- Emprendissadi terminà cun AFQ en il sectur artisanal
- Vus essas motivada u motivà d'instruir e d'assister persunas en lur mintgadi d'execuziun tenor princips da l'accumpagnament socioprofessiunal
- Inschign manual
- Ina persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Bunas enconuschientschas dal tudestg – enconuschientschas da linguas estras èn d'avantatg
- Permiss da manischar da la categoria B
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.