Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per rinforzar il sectur furmaziun tschertgain nus per il 1. da schaner 2026 u tenor cunvegna ina magistra e cussegliadra u in magister e cussegliader per il sectur specific Planticultura
Voss champ d'incumbensas
- Instruir il rom specific en la furmaziun da basa sco er en ils curs da furmaziun cuntinuanta
- Cussegliar specificamain en ils secturs cultivaziun dad ers, terren sco er planticultura en general
- Gidar a sviluppar il sectur spezial cultivaziun dad ers / planticultura biologica en il rom da la revisiun da la furmaziun agricula da basa, lavur d'autura u autur en connex cun il nov med d'instrucziun
- Organisar occurrenzas da furmaziun supplementara en ils secturs specifics cultivaziun dad ers, terren sco er planticultura en general
- Collavurar a projects da planticultura
- Tgirar contacts cun gremis e cun cumissiuns sin plaun chantunal e naziunal
Quai che nus giavischain da Vus
- Agronoma u agronom (bachelor u master) ubain scolaziun equivalenta, d'avantatg cun approfundaziun en scienzas da plantas ed ecologia
- Qualificaziun supplementara sco persuna d'instrucziun e da cussegliaziun (furmaziun e cussegliaziun Minor) è d'avantatg
- Persunalitad fidada e cuntenta ch'è abla da lavurar en in team ed è pronta da surpigliar responsabladad
- La lingua da lavur generala è tudestg Enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.