Collavuratura administrativa u collavuratur administrativ

Uffizi per industria, mastergn e lavur | 60–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.

Nus tschertgain per las partiziuns Intermediaziun da lavur (CIL) e per il Servetsch giuridic per 
il 1. da schaner 2026 u tenor cunvegna ina collavuratura u in collavuratur administrativ (60–100 %). 

Voss champ d'incumbensas

  • Liquidar incumbensas administrativas generalas 
  • Manar independentamain la correspundenza en tudestg ed en talian
  • Tgirar datas ed administrar documents en ils sistems specifics
  • Organisar termins, discurs e sesidas
  • Annunziar persunas che tschertgan ina plazza
  • Far l'administraziun da las plazzas 
  • Tgirar la centrala da telefon e la posta ch'entra e sorta
  • Tgirar il spurtegl da retschaviment
  • Sustegnair andaments administrativs

Quai che nus giavischain da Vus

  • Emprendissadi commerzial terminà u scolaziun equivalenta 
  • Fitg bunas enconuschientschas dals programs usitads dad MS Office sco er abilitads segiras en l'utilisaziun dal computer 
  • Demananza amiaivla e professiunala 
  • Fermezza da communitgar en contact cun differentas gruppas en mira
  • Flexibilitad, abilitad da lavurar en in team e discreziun
  • Fitg bunas enconuschientschas a bucca ed en scrit dal tudestg, bunas enconuschientschas dal talian 

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per industria, mastergn e lavur
Ringstrasse 10
7001 Cuira
Per dumondas davart la professiun sco er per talas davart il process da recrutaziun stat 
Maria Del Grosso, manadra dal secretariat CIL gugent a Vossa disposiziun sut il numer da telefon 081 257 31 16.

Termin d'annunzia: 13 d'october 2025
Nus ans legrain da Vossa annunzia online e da far Vossa enconuschientscha.
S'annunziar online