Persuna d'instrucziun per biologia

Scola chantunala grischuna | 50–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a las scolas medias spezialisadas, commerzialas e d'informatica. Sco persuna d'instrucziun per biologia instruis Vus scolaras e scolars dal gimnasi e da la scola media spezialisada.

Per il 1. d'avust 2026 tschertgain nus per nossa scola ina persuna d'instrucziun per biologia.

Voss champ d'incumbensas

  • Instruir il rom biologia al gimnasi sco er a la scola media spezialisada. Tut tenor il grad d'occupaziun po vegnir attribuì in pensum parzial mo en talian u mo en tudestg
  • Organisar e realisar emnas da project, occurrenzas da classa ed excursiuns en il team cun autras persunas d'instrucziun
  • Surpigliar differentas lavurs entaifer la secziun 
  • Collavurar a projects da svilup da l'entira scola 

Quai che nus giavischain da Vus

  • Studi universitar terminà en il rom d'instrucziun biologia sco er in diplom d'instrucziun per scolas da maturitad 
  • Bilinguitad per l'instrucziun en las linguas chantunalas tudestg e talian (ina lingua sco lingua materna, l'autra lingua sin il nivel C2) u monolinguitad cun mintgamai bunas enconuschientschas da l'autra lingua
  • Enconuschientschas da l'englais cumprovadas sin il nivel C2 èn d'avantatg ed As qualifitgeschan per l'instrucziun d'immersiun en biologia
  • Persunalitad flexibla ed iniziativa ch'è abla da lavurar en in team e che lavura gugent cun persunas giuvnas. Ultra da quai giavischain nus ina persuna communicativa che surpiglia responsabladad e che s'engascha gugent en la vita da scola
  • Experientscha d'instruir sin il stgalim secundar II è d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi per la furmaziun media-superiura
Bündner Kantonsschule Arosastrasse 2
7000 Cuira
En cas da dumondas davart la plazza contactai per plaschair Werner Carigiet, conrectur da la Scola chantunala grischuna, sut il numer da telefon 081 257 51 51 u per e-mail werner.carigiet@bks.gr.ch

Termin d'annunzia: 23 d'october 2025
Nus ans legrain da Vossa annunzia online e da far Vossa enconuschientscha.
S'annunziar online