Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Cazas Tignez ha circa 110 collavuraturas e collavuraturs e dispona da 150 plazs da detenziun per l'execuziun serrada. Var 100 da quests plazs èn per l'execuziun normala, 10 per la partiziun d'entrada, 28 per l'execuziun speziala e 12 per l'arrest d'inquisiziun.
Nus tschertgain per immediat fin ils 30 d'avrigl 2026 ina cuschiniera u in cuschinier.
Voss champ d'incumbensas
- Sustegnair il team da cuschina en tut las dumondas dal champ d'incumbensas correspundent, tut tenor servetsch tranter las 06.00 e las 18.00
- Surpigliar la cunresponsabladad per preparar en moda raziunala, variada e sauna l'alimentaziun per las persunas collocadas sco er per las collavuraturas ed ils collavuraturs
- Observar e realisar las prescripziuns d'igiena
- Tgirar la mensa da persunal e sa gidar a chaschun d'occurrenzas e d'alimentaziuns da visitadras e visitaders e da gruppas
- Manar, assister ed instruir las persunas collocadas attribuidas tenor princips socioprofessiunals
- Promover las persunas collocadas en lur svilup professiunal e social
- Realisar ed observar la segirezza da lavur tenor las directivas da la Cumissiun federala da coordinaziun per la segirezza a la plazza da lavur sco er garantir in manaschi da lavur reglà ed effizient
Quai giavischain nus da Vus
- Emprendissadi terminà sco cuschiniera u cuschinier AFQ
- Vus essas motivada u motivà d'instruir e d'assister persunas en lur mintgadi d'execuziun tenor princips da l'accumpagnament socioprofessiunal
- Ina persunalitad equilibrada e flexibla cun ina gronda cumpetenza sociala sco er cun l'abilitad da lavurar en in team e da supportar squitsch
- Fitg bunas enconuschientschas dal tudestg, enconuschientschas da linguas estras èn d'avantatg
- Vus essas pronta u pront da far servetschs da fin d'emna
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.