Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'infrastructura, energia e mobilitad (DIEM) cumpiglia ils secturs: energia, forza idraulica, privels da la natira, traffic public, construcziun auta e bassa, acquisiziuns, guaud sco er chatscha, animals da rapina gronds e pestga. El è dividì en tschintg uffizis sco er en il Secretariat dal departament che porscha – sco organ da stab central – in vast sustegn a la scheffa dal departament tar la direcziun specifica e politica dal departament.
Nus As purschain in champ d'incumbensas interessant, varià e pretensius al punct da contact da l'administraziun e da la politica. Vus spetgan in ambient da lavur avert e servetschaivel en il center administrativ modern «sinergia» directamain sper la staziun Cuira Vest, uras da lavur flexiblas sco er pussaivladads attractivas da lavurar davent da chasa e d'absolver furmaziuns supplementaras. Nus promovain supplementarmain la cumpatibilitad da la professiun cun la famiglia, quai cun contribuziuns finanzialas a l'assistenza d'uffants ordaifer la famiglia, cun pensums da lavur flexibels e cun congedis da famiglia generus.
Pervia d'in congedi da maternitad tschertgain nus per il 1. da november 2025 u tenor cunvegna ina giurista u in giurist. L'engaschament è limità per entant fin ils 31 da matg 2026, cun la pussaivladad da prolungar l'engaschament u d'al transferir en in engaschament da durada illimitada.
Voss champ d'incumbensas
- Assister giuridicamain las fatschentas attribuidas al departament en ils secturs da las acquisiziuns publicas e da la construcziun auta, e quai en reguard general e giuridic
- Star a disposiziun sco persuna da contact per il Center chantunal da cumpetenza per las acquisiziuns publicas (assister e cussegliar tut ils posts d'acquisiziun publics en il chantun Grischun; elavurar basas d'acquisiziun, cooperar a la scolaziun ed a la furmaziun supplementara)
- Preparar conclus da la Regenza, disposiziuns, rapports e posiziuns sco er sbozs davart intervenziuns parlamentaras en ils secturs attribuids
- Elavurar recurs e rediger scrittiras giuridicas per mauns da las dretgiras
- Dar infurmaziuns e tractar dumondas sin basa da la Lescha chantunala da transparenza
- Porscher sustegn situativ en cas da projects interdepartamentals
Quai che nus giavischain da Vus
- Studi da scola auta en giurisprudenza terminà
- Experientscha professiunala en l'administraziun publica, tar ina dretgira u en in'advocatura
- In fitg bun dun receptiv, ina demananza segira, abilitad da supportar squitsch e da lavurar en in team sco er ina moda da lavurar iniziativa, precisa ed orientada a soluziuns
- Enconuschientschas excellentas dal tudestg vegnan premessas Enconuschientschas dal rumantsch e/u dal talian èn giavischadas
Nus ans legrain da Vossa annunzia online e da far Vossa enconuschientscha.