Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a las scolas medias spezialisadas, commerzialas e d'informatica. Sco spezialista u spezialist d'infurmaziun cumplettais Vus noss pitschen team en la medioteca e sustegnais l'entir sectur da prestaziun.
Per il 1. da schaner 2026 tschertgain nus per nossa scola ina spezialista u in spezialist d'infurmaziun en la medioteca.
Voss champ d'incumbensas
- Preparar ed emprestar medias
- Cussegliar scolaras e scolars sco er persunas d'instrucziun
- Intermediar cumpetenzas d'infurmaziun (p.ex. scolaziuns)
- Collavurar a l'administraziun da purschidas digitalas
- Collavurar a l'acquisiziun ed a la cataloghisaziun da las medias sco er a la preschentaziun da l'inventari vers anora
- Surpigliar agens secturs da responsabladad (p.ex. emprest a distanza, administraziun da revistas)
- Collavurar a projects interns da la scola e far lavurs administrativas generalas
Quai che nus giavischain da Vus
- Terminà ina scolaziun en il sectur da bibliotecas, infurmaziun e documentaziun ubain ina scolaziun adequata
- Bunas enconuschientschas d'utilisar ils programs dad MS Office
- Persunalitad fidada ed independenta ch'è abla da lavurar en in team e che lavura gugent cun persunas giuvnas
- Sco collavuratura u collavuratur a la scola trilingua cumpletteschan enconuschientschas da las ulteriuras linguas chantunalas Voss profil
Nus ans legrain da Vossa annunzia online e da far Vossa enconuschientscha.