Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per il 1. da matg 2026 u tenor cunvegna tschertgain nus ina collavuratura u in collavuratur en noss pitschen team dal sectur da la pedagogia da museum/intermediaziun tar il Museum da la natira dal Grischun en l'Uffizi da cultura.
Voss champ d'incumbensas
- Organisar, elavurar, sviluppar vinavant, documentar e realisar programs d'intermediaziun per classas da scola da tut ils stgalims e per ulteriuras gruppas en mira
- Collavurar a l'elavuraziun ed a la tgira da las exposiziuns dal Museum da la natira dal Grischun ed a la purschida d'intermediaziun respectiva
- Concepir e realisar purschidas per uffants e per giuvenils en il sectur dal temp liber
- Sustegnair persunas d'instrucziun en il museum e tgirar il contact tranter il museum, las scolas ed ils instituts da scolaziun
- Participar a l'elavuraziun dal program accumpagnant dal museum ed organisar visitas guidadas variadas ed ulteriuras purschidas d'intermediaziun, er per persunas creschidas
- Assister praticantas e praticants en Voss champ da cumpetenza
Quai che nus giavischain da Vus
- Diplom d'in studi da scienzas natiralas e/u d'ina scolaziun pedagogica-didactica, da preferenza cun intgins onns experientscha d'instrucziun e/u da museum
- Bunas enconuschientschas en emprima lingia da la natira indigena cun accent sin il Grischun/territori alpin
- Plaschair d'intermediar savida ad uffants, a giuvenils ed a persunas creschidas
- Demananza segira davant classas da scola e davant persunas creschidas en visitas guidadas, referats ed ulteriuras occurrenzas publicas
- Buna expressiun en scrit ed a bucca en tudestg e d'avantatg en almain in'ulteriura lingua uffiziala dal Grischun (rumantsch e/u talian)
- Moda da lavurar independenta ed en atgna responsabladad, gronda motivaziun, creativitad, abilitad da supportar squitsch, flexibilitad (p.ex. per visitas guidadas durant la saira), abilitad da lavurar en in team e buna communicaziun
Nus ans legrain da Vossa annunzia online e da far Vossa enconuschientscha.