Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Nossa scola porscha in'assistenza fidada e cordiala per uffants ordaifer l'instrucziun, quai cun ina maisa da mezdi assistida sco er cun l'accumpagnament dals uffants pitschens sin la via da scola. Nus tschertgain tenor cunvegna ina collavuratura u in collavuratur per l'assistenza da la maisa da mezdi e/u da l'accumpagnament sin la via da scola a Cuira e Trimmis.
Voss champ d'incumbensas
- Reparter ils pasts ed assister las scolaras ed ils scolars durant la maisa da mezdi a Trimmis da ca. las 11.00 fin las 13.00
- Accumpagnar ina gruppa da scolaras e scolars sin la via da scola, la damaun da ca. las 07.30 fin las 09.00 e/u suenter scola da ca. las 15.30 fin las 17.00
- Garantir la segirezza e gidar ils uffants a s'orientar en il traffic sin via
- Star a disposiziun sco persuna da contact per uffants durant quest temp transitoric sensibel
Quai che nus giavischain da Vus
- Plaschair da lavurar cun uffants da la scolina e da la scola primara
- Fidadadad, senn da responsabladad ed empatia
- Abilitad da lavurar en in team e bunas abilitads communicativas, en spezial bunas enconuschientschas dal tudestg
Nus ans legrain da Vossa annunzia online e da far Vossa enconuschientscha.