Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il sectur spezial Famiglias, uffants e giuvenils è responsabel per dumondas da famiglia e da giuvenils sco er per ils fatgs dals uffants confidads. En ils secturs da la tgira d'uffants cumplementara a la famiglia sco er da las chasas da dimora per uffants e giuvenils è el responsabel per planisar, conceder, finanziar e survegliar las purschidas. En ils secturs tematics da la promoziun d'uffants e da giuvenils sco er da la garanzia da la qualitad ha el plinavant la responsabladad professiunala envers las purschidas che dovran ina permissiun. Plinavant coordinescha el il program chantunal da la politica d'uffants e da giuvenils.
Per l'Uffizi chantunal dal servetsch social tschertgain nus per il 1. da november 2025 u tenor cunvegna ina collavuratura scientifica u in collavuratur scientific.
Voss champ d'incumbensas
- Surpigliar la responsabladad per incumbensas concepziunalas en projects davart dumondas da la politica sociala e da famiglia
- S'occupar principalmain da temas da la politica d'uffants e da giuvenils en ils secturs da la protecziun, da la promoziun e da la participaziun en il chantun Grischun
- Liquidar ulteriuras activitads multifaras, interessantas e da gronda responsabladad
Quai che nus giavischain da Vus
- Diplom en sociologia, politologia u pedagogia u scolaziun equivalenta
- Interess per dumondas socialas, per la garanzia da la qualitad e per la finanziaziun da servetschs dal sectur social
- Experientscha en il management da projects sco er dun d'organisar e da contractar
- Fitg bunas abilitads communicativas, concepziunalas e redacziunalas
- Moda da lavurar independenta, orientada a las finamiras e cun senn da responsabladad sco er fidadadad e cumpetenza
- In pensar cumbinatoric, chapientscha per incumbensas interdisciplinaras ed abilitad da lavurar en in team
- Enconuschientschas da las linguas uffizialas chantunalas èn giavischadas
Nus ans legrain da Vossa annunzia online e da far Vossa enconuschientscha.