Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Perquai ch'il titular actual da la plazza vegn pensiunà, tschertgain nus per il 1. da mars 2026 ina tecnicista u in tecnicist da museum per il Museum retic, che fa part da l'Uffizi da cultura.
Voss champ d'incumbensas
- Exequir lavurs da pedel, mantegnair e tgirar l'edifizi dal museum, il local per la protecziun dals bains culturals, il magasin da material e la scrinaria cun ils objects da collecziun e cun tut ils apparats
- Planisar e realisar exposiziuns en reguard tecnic ed artisanal
- Realisar en moda autonoma l'architectura d'exposiziun (mobiglias e differentas construcziuns)
- Exequir lavurs da scrinari e da mastergnant e cumprar il material necessari
- Installar e demontar exposiziuns
- Collavurar tar l'organisaziun, la registraziun e la planisaziun dal deposit d'objects, tar il transport e l'administraziun dals objects dal local per la protecziun dals bains culturals
- Metter a disposiziun l'infrastructura per occurrenzas
- Manar ed organisar il servetsch da pichet
- Sustegnair forzas auxiliaras, persunas che fan servetsch civil sco er praticantas e praticants
Quai che nus giavischain da Vus
- Diplom professiunal sco mastergnanta u mastergnant, da preferenza sco scrinaria u scrinari da mobiglias cun experientscha professiunala da plirs onns
- Allroundra u allrounder per lavurs da lain, da picturar, d'electro e da tapezar
- Dun organisatoric e moda da lavurar autonoma
- Senn per soluziuns pragmaticas, tecnicas e creativas
- Engaschament, flexibilitad ed abilitad da lavurar en in team
- Interess per istorgia e per la lavur da museum
- Permiss da manischar autos da persunas e vehichels da transport pitschens
- Domicil a Cuira u en la vischinanza (servetsch da pichet)
Nus ans legrain da Vossa annunzia online e da far Vossa enconuschientscha.