Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Tgi essan nus?
Sco center da cumpetenzas HRM da la Polizia chantunala dal Grischun sviluppain nus purschidas da furmaziun innovativas e concepts d'emprender orientads al futur. Nus garantin che temas centrals vegnian planisads, sviluppads vinavant e realisads en moda prospectiva – dal tuttafatg en il senn da nossa devisa: «Nus lavurain tar la polizia, perquai che quai va a prà cun nossa vita.»
Per sviluppar vinavant nossa purschida da furmaziun analoga e digitala tschertgain nus tenor cunvegna ina persunalitad innovativa e persvadenta sco manadra u manader dal svilup da la furmaziun.
Voss champ d'incumbensas
- Planisar, realisar e sviluppar vinavant cuntinuadamain la purschida da furmaziun supplementara interna ed externa da la Polizia chantunala dal Grischun
- Procurar ch'ils andaments administrativs da tut las purschidas da furmaziun supplementara funcziunian senza incaps
- Amplifitgar e reglar purschidas d'emprender analogas e digitalas, incl. learning management system (LMS)
- Sviluppar e tgirar formats digitals da furmaziun supplementara
- Crear purschidas d'emprender interactivas cun tools d'auturs (p.ex. Adobe Captivate u sumegliant)
- Sviluppar e realisar en moda independenta e-learnings
- Applitgar strategias d'emprender modernas (p.ex. blended learning, microlearning, formats d'emprender digitals)
- Garantir la qualitad, far il controlling da la furmaziun ed il reporting en il sectur da l'emprender e dal svilup
- Preparar en moda didactica e metodica cuntegns didactics en stretga collavuraziun cun ils servetschs spezials e cun las persunas spezialisadas
- Evaluar ed optimar permanentamain las purschidas d'emprender existentas
- Sustegnair las persunas d'instrucziun tar la preparaziun metodic-didactica da l'instrucziun
- Cussegliar professiunalmain e sustegnair ils caders sco er las collavuraturas ed ils collavuraturs en dumondas da la furmaziun supplementara e dal svilup dal persunal
- Realisar audits interns en il sectur da la furmaziun supplementara
- S'engaschar sco persuna d'instrucziun en furmaziuns supplementaras internas
- Collavurar a projects da HRM e da furmaziun sco er realisar la strategia da HRM
Quai che nus giavischain da Vus
- Furmaziun supplementara terminada en la furmaziun da persunas creschidas u ina qualificaziun equivalenta
- Experientscha da plirs onns en il sectur dal management d'emprender, en il cas ideal cun experientscha da manar persunas
- Enconuschientschas specificas dal svilup e da la realisaziun da formats da furmaziun analogs e digitals
- Experientscha da crear e-learnings
- Creativitad e sentiment per trends d'emprender moderns sco er per s'adressar a las gruppas en mira confurm a lur basegns
- Moda da lavurar independenta, structurada ed orientada a soluziuns
- Fitg buna cumpetenza sociala e communicativa sco er abilitad da lavurar en in team
- Affinitad per las tecnologias digitalas, per la fotografia e per l'elavuraziun da maletgs (p.ex. mediamatica, illustraziuns) u la prontezza da s'acquistar questas abilitads
- Enconuschientschas fundadas per duvrar sistems da learning management (LMS)
- Grond dun organisatoric sco er ina demananza segira e forza da persvader
- Flexibilitad e prontezza da sa perfecziunar cuntinuadamain
- Plaschair d'innovaziuns ed avertadad per novas tecnologias d'emprender
Nus ans legrain da Vossa annunzia online e da far Vossa enconuschientscha.