Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Dretgira regiunala Plaun tschertga a partir dal 1. da schaner 2026 u tenor cunvegna sustegn en in team engaschà e versà.
Voss champ d'incumbensas
- Vus sustegnais nossas collavuraturas e noss collavuraturs en connex cun la liquidaziun da tut las lavurs da chanzlia.
- Voss champ d'incumbensas cumpiglia l'elavuraziun administrativa da cas – da l'entrada fin a l'archivaziun finala.
- Vus redigis independentamain u tenor prescripziun correspundenzas, disposiziuns processualdirectivas sco er decisiuns.
- Vus lavurais principalmain en il sectur dal dretg civil, ma er en il sectur dal dretg penal e dal dretg da scussiun e da concurs.
- Supplementarmain sustegnais Vus las derschadras ed ils derschaders sco er l'actuariat en connex cun differentas dumondas.
Quai che nus giavischain da Vus
- Emprendissadi commerzial terminà u scolaziun equivalenta
- En il cas ideal experientscha professiunala tar ina dretgira, en in'advocatura u en l'administraziun
- Persunalitad fidada e flexibla che ha plaschair da lavurar en in team
- Fitg bunas enconuschientschas a bucca ed en scrit dal tudestg
- Ina moda da lavurar premurusa, speditiva ed independenta
- Enconuschientschas profundas da las applicaziuns usitadas dad Office
Nus ans legrain da Vossa annunzia online e da far Vossa enconuschientscha.