Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia As porscha a partir dal 1. da schaner 2026 u tenor cunvegna ina introducziun cumplessiva en in champ da lavur pretensius ed in clima da lavur colleghial.
Voss champ d'incumbensas
- Vus eruis ils facturs fiscals da las taglias sin las entradas e sin la facultad da persunas cun activitad da gudogn independenta (persunas natiralas) a maun da la decleraziun da taglia.
- Vus revedis cudeschs da fatschenta.
- Vus prendais decisiuns da protesta.
- Vus represchentais l'Administraziun da taglia en proceduras da meds legals davant dretgira.
- Per quest intent survegnis Vus il sustegn da collegas da team versads sco er da la persuna superiura.
Quai che nus giavischain da Vus
- Scolaziun commerziala superiura (stgalim certificat professiunal)
- Experientscha professiunala, da preferenza en il sectur da la contabilitad, da l'administraziun fiduziaria e/u da las taglias
- Vus avais in bun dun receptiv ed ina buna expressiun a bucca ed en scrit per tudestg. Enconuschientschas dal talian èn d'avantatg
- Plaschair da prender decisiuns
- Bun dun da contractar ed abilitad da sa far valair sco er demananza curtaschaivla e segira
- Engaschament professiunal e prontezza da sa perfecziunar
- Abilitad da supportar squitsch
- Dun organisatoric
- Abilitad da lavurar en in team
- Discreziun e fidadadad
Nus ans legrain da Vossa annunzia online e da far Vossa enconuschientscha.