Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Uffizi da sanadad dal Grischun tschertgain nus per il 1. da favrer 2026 u tenor cunvegna ina substituta u in substitut da l'apotecra chantunala.
Voss champ d'incumbensas
- Vus represchentais e sustegnais l'apotecra chantunala tar tut las incumbensas.
- Vus cussegliais l'Uffizi da sanadad en dumondas da medicaments ed essas il liom tranter las federaziuns professiunalas e l'Uffizi da sanadad. Dumondas specificas davart medicaments e temas farmaceutics respundais Vus en moda chapaivla, cumpetenta e resguardond la gruppa en mira.
- Vus elavurais en moda independenta dumondas per permissiuns dals manaschis da medicaments (apotecas, drogarias, apotecas privatas da medias e medis, da dentistas e dentists sco er d'ospitals e da clinicas) e per permissiuns per pratitgar la professiun d'apotecras e d'apotechers sco er da droghistas e droghists e garantis che questas permissiuns vegnian autorisadas.
- En ils manaschis da medicaments faschais Vus inspecziuns da basa e specificas, controllais il tractament da narcotics e surpigliais ulteriuras incumbensas en il sectur da la surveglianza dal martgà.
- Vus registrais e giuditgais spezialitads farmaceuticas da chasa e lur producziun tenor las reglas da la buna pratica da producziun.
- En cas da crisa collavurais Vus cun ils uffizis cumpetents per garantir il provediment farmaceutic.
Quai che nus giavischain da Vus
- Vus avais in diplom d'ina scola auta sco apotecra u apotecher (examen da stadi svizzer / diplom renconuschì).
- Vossa experientscha professiunala da plirs onns cumpiglia da preferenza activitads en apotecas d'ospital, en l'industria farmaceutica u en l'administraziun.
- Vossa gronda chapientscha per dumondas giuridicas ed administrativas As gida a chapir connexs cumplexs ed ad agir en moda orientada a soluziuns.
- Vus essas ina persuna ch'è orientada al team ed a la prestaziun da servetschs, savais lavurar bain en moda independenta ed avais ina buna cumpetenza sociala ed in bun dun d'As preschentar.
- Vus avais in'expressiun segira ed exacta en scrit e fitg bunas enconuschientschas da l'informatica.
- En il cas ideal enconuschais Vus il chantun Grischun e savais pliras linguas chantunalas.
Nus ans legrain da Vossa annunzia online e da far Vossa enconuschientscha.