Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sin basa da la Lescha chantunala davart la protecziun da la natira e da la patria è il Servetsch archeologic dal Grischun (SAG) responsabel per proteger e per mantegnair il patrimoni archeologic dal chantun. Mintg'onn realisescha il SAG 80 fin 100 projects per documentar, cun agid d'exchavaziuns archeologicas e d'analisas architectonicas, lieus da chats archeologics ed edifizis istoricamain prezius ch'èn periclitads u che vegnan destruids tras mesiras da construcziun. Per pudair exequir quests projects senza disturbis èn er in'administraziun professiunala dal persunal e da las finanzas dal SAG ed ina gestiun moderna da las actas da fatschenta d'impurtanza centrala.
Per il 1. da mars 2026 u tenor cunvegna tschertgain nus perquai ina manadra u in manader per il sectur Administraziun.
Voss champ d'incumbensas
- Organisar e manar en moda independenta il secretariat, incl. archivar las actas da fatschenta (GEVER) sco er far servetsch da posta e da telefon
- Elavurar e manar il preventiv en collavuraziun cun l'archeolog chantunal
- Survegliar las directivas dal preventiv e la facturaziun, manar il workflow dals crediturs
- Cudeschar ils projects, incl. far il rendaquint da las cunvegnas da program cun la Confederaziun
- Administrar il persunal
- Controllar e far il rendaquint dals rapports mensils e da las spesas da tut las collavuraturas ed ils collavuraturs
- Gidar ad organisar sesidas ed ulteriuras occurrenzas uffizialas, incl. protocollaziun
Quai che nus giavischain da Vus
- Scolaziun fundada en il sectur commerzial (emprendissadi da commerzi, scola commerziala u maturitad professiunala) cun vasta furmaziun supplementara ed avunda experientscha professiunala
- Moda da lavurar exacta e fidada ed abilitad da supportar squitsch
- Fitg bunas abilitads organisatoricas
- Enconuschientschas fundadas da la IT sco er in bun dun receptiv per l'utilisaziun da novs tools
- Expressiun segira en tudestg, enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.