Collavuratura u collavuratur agricul per la cultivaziun da funs al Plantahof

Plantahof | 50–100 % | Landquart

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns da cuntinuaziun, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.

Per il 1. da schaner 2026 u tenor cunvegna tschertgain nus ina collavuratura u in collavuratur per il team da cultivaziun da funs a Landquart, ch'è responsabel per la cultivaziun dals funs al lieu principal (cumprova da prestaziun ecologica, 60 ha) ed a Ganda (bio, 20 ha) a Landquart. La plazza po vegnir repartida sin duas persunas.

Voss champ d'incumbensas

  • Liquidar tut las lavurs da la cultivaziun dad ers e da la producziun da pavel sin in manaschi agricul fitg multifar
  • Lavurar en moda autonoma cun maschinas agriculas en la cultivaziun dad ers ed en la producziun da pavel
  • Mantegnair maschinas sco er apparats ed indrizs agriculs
  • Far lavurs da conturn 
  • Porscher sustegn en connex cun ulteriuras lavurs dal manaschi tenor basegn

Quai che nus giavischain da Vus

  • Terminà in emprendissadi sco pura u pur 
  • Enconuschientschas pli profundas da la cultivaziun dad ers e da la producziun da pavel e grond interess per las culturas agriculas e per la cultivaziun da pavel
  • Lavurar en moda autonoma cun maschinas agriculas, dun per lavurs da mantegniment simplas vi da maschinas ed apparats
  • Permiss da manischar da la categoria B cun examen da chars annexs, ev. examen da manischar plunaders
  • Ina plazza variada en in team motivà As spetga
  • La lingua da lavur generala è tudestg Enconuschientschas d'ina ulteriura lingua chantunala èn d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Plantahof
Kantonsstrasse 17
7302 Landquart
Per dumondas davart la professiun stat Andri Bonifazi, manader da la partiziun Cultivaziun da funs ed emprovas, gugent a Vossa disposiziun sut il numer da telefon 081 257 60 91. Per dumondas davart la procedura da recrutaziun contactai per plaschair Lars Arpagaus, numer da telefon 081 257 60 10.

Termin d'annunzia: 24 da settember 2025
Nus ans legrain da Vossa annunzia online e da far Vossa enconuschientscha.