Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sin basa da la Lescha chantunala davart la protecziun da la natira e da la patria è il Servetsch archeologic dal Grischun (SAG) responsabel per proteger e per mantegnair il patrimoni archeologic dal chantun. Mintg'onn realisescha il SAG 80 fin 100 projects per documentar, cun agid d'exchavaziuns archeologicas e d'analisas architectonicas, lieus da chats archeologics ed edifizis istoricamain prezius ch'èn periclitads u che vegnan destruids tras mesiras da construcziun. Per questas lavurs che duran per part plirs mais vegnan duvrads differentas maschinas ed infrastructuras e differents utensils che ston vegnir transportads, installads sco er demontads, tgirads e reparads. Per quest intent stattan a disposiziun a Rodels in lavuratori sco er magasins.
Per il 1. da november 2025 u tenor cunvegna tschertgain nus perquai ina manadra u in manader per il sectur Magasins/mantegniment.
Voss champ d'incumbensas
- Mantegnair material, maschinas, utensils ed infrastructura d'exchavaziun
- Metter a disposiziun e furnir il material d'exchavaziun sco er gidar ad installar ed a demontar l'installaziun dal plazzal
- Cumprar utensils, maschinas e material da diever
- Mantegnair ils lavuratoris, ils magasins da material da construcziun e d'utensils a Rodels sco er ulteriurs deposits e posts externs dal SAG (ovras da protecziun areal Ackermann, Son Steffan e Tumegl)
- Manar ed instruir collavuraturas e collavuraturs temporars
- Gidar a preparar, pachetar e transportar ils chats
- Collavurar situativamain tar exchavaziuns archeologicas e tar retschertgas archeologicas architectonicas
Quai che nus giavischain da Vus
- Scolaziun da basa tecnica u emprendissadi terminà
- Experientscha da plirs onns en ina professiun manuala (lain, metal, electro, construcziun auta/bassa)
- Inschign manual, independenza, flexibilitad ed abilitads da manar glieud
- Permiss da manischar B ed examen da chars annexs BE, il permiss da manischar plunaders è giavischà
- Qualificaziun per far lavurs da service e da reparatura tenor l'art. 14 e l'art. 15 da l'Ordinaziun davart installaziuns da bassa tensiun è giavischada
Nus ans legrain da Vossa annunzia online e da far Vossa enconuschientscha.