Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Procura publica cun sias 68 collavuraturas e collavuraturs è in organ independent da la giurisdicziun penala, e quai tant funcziunalmain sco er materialmain. Ella fa inquisiziuns penalas cunter persunas creschidas e cunter giuvenils en cas da crims, da delicts e da surpassaments, ed ella sto exequir il dretg dal stadi da chastiar. La sedia principala da la Procura publica è a Cuira. Ella dispona d'agenturas a Tavau, Glion, Roveredo, Samedan e Tusaun.
Per la Procura publica tschertgain nus per il 1. da november 2025 u tenor cunvegna ina referendaria u in referendari.
Voss champ d'incumbensas
- Cooperar tar inquisiziuns penalas
- Manar il protocol durant interrogaziuns e rediger differentas scrittiras giuridicas e disposiziuns
- Elavurar surpassaments tenor las prescripziuns dal Cudesch da procedura penala svizzer, sut la direcziun d'ina procuratura publica u d'in procuratur public
- Liquidar lavurs da secretariat multifaras e collavurar stretgamain cun differents uffizis, posts da servetsch e dretgiras
Quai che nus giavischain da Vus
- Scolaziun commerziala da basa terminada (scola resp. emprendissadi da commerzi) cun in pèr onns experientscha professiunala
- Fitg buna expressiun linguistica (en scrit sco er a bucca) en tudestg e da preferenza supplementarmain er en talian
- Ina conduita irreproschabla
- Independenza, fidadadad e speditivadad, discreziun, flexibilitad sco er abilitad da lavurar en in team ed ina gronda abilitad da supportar squitsch
- Utilisaziun segira dals meds d'informatica usitads
- Enconuschientschas d'ulteriuras linguas
Nus ans legrain da Vossa annunzia online e da far Vossa enconuschientscha.