Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun da taglia dal Grischun è responsabla per taxar ed incassar las taglias en il chantun Grischun. Ella sustegna las burgaisas ed ils burgais en fatgs da taglia e procura per in incassament da taglia gist ed effizient. La partiziun Revisurat è cumpetenta per la taxaziun da las persunas giuridicas.
Per l'Administraziun da taglia / Departament da finanzas e vischnancas tschertgain nus per il 1. da schaner 2026 u tenor cunvegna ina revisura u in revisur da taglia.
Voss champ d'incumbensas
- Davos mintga decleraziun da taglia sa zuppa ina istorgia. Vossa incumbensa è quella da chapir questa istorgia e da l'examinar areguard ils criteris fiscals
- Tar Voss champ d'incumbensas da gronda responsabladad tutgan la taxaziun independenta da persunas giuridicas sco er la realisaziun da revisiuns da domicil
- Vus prendais decisiuns da protesta e represchentais l'Administraziun da taglia en proceduras da meds legals davant dretgira. Per quest intent pudais Vus far quint cun in sustegn professiunal
- In'activitad captivanta e variada As spetga. Uras da lavur flexiblas, ina plazza da lavur moderna, la pussaivladad da lavurar a chasa (homeoffice) sco er pussaivladads d'absolver furmaziuns supplementaras. Sco part da l'autoritad da taglia influenzais Vus l'avegnir dal chantun e sentis il puls da l'economia sur tut las branschas
Quai che nus giavischain da Vus
- Vus avais terminà ina scolaziun commerziala superiura (a partir dal stgalim da l'attestat professiunal) ubain in studi d'economia u da dretg en ina scola auta spezialisada u en in'universitad
- Enconuschientschas cumprovadas da la contabilitad da finanzas sco er enconuschientschas da basa dal dretg fiscal vegnan premessas
- Vus avais plaschair da prender decisiuns e l'abilitad da schliar conflicts. In bun egl per quai ch'è essenzial ed in bun dun receptiv èn ulteriuras qualitads idealas
- Ina buna expressiun a bucca ed en scrit en tudestg/talian e da preferenza er en talian/tudestg cumpletteschan Voss profil
Nus ans legrain da Vossa annunzia online e da far Vossa enconuschientscha.