Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a las scolas medias spezialisadas, commerzialas e d'informatica. Sco persuna d'instrucziun da musica instruis Vus scolaras e scolars dal gimnasi e da la scola media spezialisada.
Per nossa scola tschertgain nus a partir dals 22 d'october 2025 fin la fin da l'onn da scola 2025/26 ina persuna d'instrucziun da musica. L'engaschament po vegnir prolungà fin la fin d'october 2026.
Voss champ d'incumbensas
- Instruir il rom musica al gimnasi sco er a la scola media spezialisada
- Organisar e realisar emnas da project ed excursiuns en il team cun autras persunas d'instrucziun
- Collavurar en la secziun
Quai che nus giavischain da Vus
- Studi universitar terminà en il rom d'instrucziun musica da scola II sco er in diplom d'instrucziun per scolas da maturitad
- Experientscha d'instruir sin il stgalim secundar II è d'avantatg
- Persunalitad flexibla ed iniziativa ch'è abla da lavurar en in team e che lavura gugent cun persunas giuvnas
- Sco persuna d'instrucziun a la scola trilingua cumpletteschan enconuschientschas da las ulteriuras linguas chantunalas Voss profil
Nus ans legrain da Vossa annunzia online e da far Vossa enconuschientscha.