Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da chatscha e pestga s'engascha per la protecziun e per l'utilisaziun persistenta da las populaziuns da selvaschina e da peschs sco er da lur spazis da viver en il chantun Grischun. Il chantun è la patria da spezias d'animals raras, sco la giaglina selvadia, la giaglina da draussa, la pernisch da gonda, il cot da matg u il rivaun cumin – ed è dapi intgins onns er puspè in spazi da viver per animals da rapina gronds, sco il luf, il luf-tscherver e temporarmain l'urs. Per ademplir la lavur dovri in'administraziun che funcziuna bain.
Per rinforzar noss team tschertgain nus ina persunalitad engaschada
Voss champ d'incumbensas
- Administrar la vendita da patentas da chatscha e da pestga (incl. shop online)
- Tgirar ils programs da computer respectivs sco er scolar e dar support als posts d'emissiun da patentas
- Collavurar en ils fatgs da debiturs e da crediturs
- Porscher sustegn tar la planisaziun da finanzas, tar la budgetaziun e tar il quint annual
- Sustegnair il secretariat cun liquidar incumbensas generalas e cun elavurar dumondas da la clientella
- Sustegnair differentas partiziuns en dumondas organisatoricas ed administrativas
Nus purschain:
- In'activitad variada cun senn e relaziun tar la natira
- In team colleghial en in sectur specific captivant
- Relaziuns da lavur modernas e cundiziuns d'engaschament attractivas dal chantun Grischun
Quai che nus giavischain da Vus
- Scolaziun commerziala u qualificaziun equivalenta
- Experientscha en ils fatgs da finanzas e da contabilitad è d'avantatg
- Bunas enconuschientschas en l'applicaziun dal computer e plaschair da lavurar cun soluziuns digitalas
- Moda da lavurar independenta e structurada sco er talent organisatoric
- Interess per la natira, la chatscha e la pestga è in plus
Concepi cun nus l'avegnir da nossa natira e fauna unica – nus ans legrain da Vossa annunzia!