Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
En il rom d'ina regulaziun da la successiun tschertgain nus per il 1. d'avrigl 2026 u tenor cunvegna ina manadra u in manader da partiziun per la partiziun Cundiziuns da lavur.
Voss champ d'incumbensas
- Manar la partiziun Cundiziuns da lavur en dumondas dal persunal, da l'organisaziun e da la professiun
- Exequir las mesiras accumpagnantas (MA) resp. las disposiziuns da la Lescha davart ils lavurants tramess en Svizra (LTram) per proteger las forzas da lavur indigenas sco er per garantir che las finamiras vegnian cuntanschidas
- Realisar la Lescha federala davart la lavur illegala (LLI)
- Controllar il martgà da lavur en il rom da proceduras da permissiun tenor il dretg da persunas estras per burgaisas e burgais da terzs stadis
- Controllar ed introducir proceduras da sancziun en il sectur da l'obligaziun d'annunziar plazzas libras
Quai che nus giavischain da Vus
- Emprendissadi commerzial terminà u scolaziun equivalenta terminada cun experientscha professiunala da plirs onns, en il cas ideal cun ina furmaziun supplementara en il sectur dal martgà da lavur
- Enconuschientschas dal sectur giuridic resp. executiv dal champ d'incumbensas
- Experientscha en l'applicaziun da prescripziuns legalas en l'administraziun
- Bunas enconuschientschas en l'applicaziun dal computer (Microsoft Office, applicaziuns specificas)
- Fitg bunas enconuschientschas dal tudestg sco er bunas enconuschientschas dal talian
- Gronda independenza, abilitad da supportar squitsch e plaschair da prender decisiuns
- Demananza segira sco er capacitad da persvader en connex cun differentas gruppas en mira
- Prontezza da far servetschs externs en il rom da l'activitad da controlla
- Experientscha da manar persunas sin il nivel da la direcziun d'in team (ca. 5 collavuraturas e collavuraturs)
- Gronda cumpetenza sociala, orientaziun al team sco er fitg bunas abilitads communicativas
Nus ans legrain da Vossa annunzia online e da far Vossa enconuschientscha.