Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Fundaziun Collecziun dal Museum da la natira dal Grischun decida davart il mantegniment, l'extensiun, l'emprest e la perscrutaziun da las collecziuns dal Museum da la natira dal Grischun.
Vus faschais part dal cussegl da fundaziun, che sa cumpona da tschintg persunas.
L'Uffizi da cultura tschertga per il 1. da fanadur 2026 ina commembra u in commember dal cussegl da fundaziun da la Fundaziun Collecziun dal Museum da la natira dal Grischun.
Voss champ d'incumbensas
- Vus prendais part a 2 – 3 sesidas dal cussegl da fundaziun per onn
- Il cussegl da fundaziun decida davart cumpras, donaziuns ed emprests permanents
- Il cussegl da fundaziun decida davart projects scientifics che han in connex cun la collecziun dal Museum da la natira dal Grischun
- Approvaziun dal quint annual
- Las participaziuns a las sesidas vegnan mintgamai remuneradas
Quai che nus giavischain da Vus
- Vus avais enconuschientschas, interess e plaschair da collecziuns da scienza natirala
- Vus avais enconuschientschas da las scienzas natiralas e da la natira indigena ed avais in rait da contacts cun autras persunas spezialisadas
- Vus avais l'abilitad da lavurar en in team ed As interessais per las activitads dal Museum da la natira dal Grischun
Nus ans legrain da Vossa annunzia online e da far Vossa enconuschientscha.