Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
L'Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l'intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per rinforzar noss team en la partiziun Mesiras per il martgà da lavur tschertgain nus per il 1. da schaner 2026 u tenor cunvegna ina persuna motivada sco collavuratura u collavuratur da program Service ed administraziun en il rom da noss program d'engaschament GastroCantina a Cuira.
Voss champ d'incumbensas
- Utilisar e survegliar il sistem da cassa electronic sur mezdi e procurar che las entradas vegnian quintadas giu correctamain
- Sustegnair la direcziun dal program en reguard professiunal tar l'instrucziun e tar l'assistenza da las participantas e dals participants en ils secturs dal service, da la linscharia e dal nettegiament
- Sustegnair la direcziun dal program en reguard administrativ, inclusiv tgira da sistems d'archiv e da documentaziuns
Quai che nus giavischain da Vus
- Diplom professiunal en la gastronomia, en il commerzi en detagl u qualificaziuns cumparegliablas
- Experientscha d'utilisar sistems da cassa electronics
- Dun organisatoric ed independenza
- Gronda cumpetenza sociala, sensibilitad e bunas abilitads da communitgar en il contact cun differentas gruppas en mira
- Abilitad da lavurar en in team sco er forza da persvader
- Bunas enconuschientschas dal tudestg a bucca ed en scrit, en il cas ideal enconuschientschas d'ina segunda lingua chantunala
- Applicaziun segira da Microsoft Office e da tools digitals
- Flexibilitad areguard las uras da lavur (engaschament principal sur mezdi, darar la saira u a chaschun d'occurrenzas)
Nus ans legrain da Vossa annunzia online e da far Vossa enconuschientscha.