Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi d'agricultura e da geoinfurmaziun è in post da servetsch dal Departament d'economia publica e fatgs socials. El cumpiglia las quatter partiziuns Mesiras agriculas, Meglieraziuns da structura, Mesiraziun e Center da cumpetenza SIG.
La partiziun Meglieraziuns da structura presta ina contribuziun essenziala al svilup persistent dal territori rural. Ses spectrum d'incumbensas multifar na cumpiglia betg mo la construcziun auta agricula e la promoziun d'abitaziuns, mabain er mesiras da construcziun bassa e projects per il svilup regiunal (PSR). Il ressort Construcziun auta è cumpetent per la renovaziun da stallas existentas e per la construcziun da stallas novas. Ultra da quai sustegna el sanaziuns d'alps, manaschis d'elavuraziun sco er la sanaziun da chasas d'abitar existentas e la construcziun da chasas d'abitar novas en il territori da muntogna.
Nus As purschain ina incumbensa variada e da gronda responsabladad tar l'administraziun chantunala. Vus lavurais en in team cumpetent e motivà, che tgira ina cultura d'interpresa orientada als servetschs ed a las finamiras e cun curtas vias da decisiun.
Per il ressort Construcziun auta en la partiziun Meglieraziuns da structura tschertgain nus per il 1. da november 2025 u tenor cunvegna ina manadra u in manader da project Construcziun auta agricula e promoziun d'abitaziuns.
Voss champ d'incumbensas
- Survegliar projects da construcziun auta en reguard tecnic, administrativ e finanzial
- Examinar projects ed elavurar dumondas da contribuziun
- Assister patrunas e patruns da construcziun e biros da planisaziun en dumondas tecnicas e finanzialas
- Examinar dumondas da promoziun en il rom da la nova promoziun chantunala d'abitaziuns
- Collavurar en gruppas da lavur ed en sesidas sin plaun chantunal e regiunal, che han l'intent da sviluppar vinavant ils instruments da promoziun
Quai che nus giavischain da Vus
- Diplom d'ina scola auta u d'ina scola auta spezialisada en architectura, agronomia u en ina direcziun da studi cumparegliabla
- Fitg bunas abilitads communicativas ed ina demananza segira
- Moda da lavurar structurada, concepziunala ed orientada als process
- Persunalitad orientada als servetschs ed a las soluziuns cun abilitad da lavurar en in team, prontezza a l'acziun ed atgna iniziativa
- Expressiun segira en tudestg a bucca ed en scrit, enconuschientschas da las ulteriuras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.