Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il sectur specific Datas e statistica da l'Uffizi per economia e turissem elavura la statistica publica e las basas relevantas da l'economia publica tenor temas per il chantun Grischun. Ultra da quai sviluppa il sectur specific actualmain vinavant il management da datas per la gestiun dad open government data (OGD) en l'administraziun chantunala. En sia funcziun e cun la cumpetenza da datas avant maun è il team in impurtant liom tranter la politica, l'administraziun, la publicitad, l'economia e la scienza.
Per cumplettar noss team tschertgain nus per il schaner 2026 u tenor cunvegna ina managera u in manager da datas per open government data (OGD)
Voss champ d'incumbensas
- Collavurar tar l'amplificaziun da la purschida dad OGD e tar la gestiun da la plattafurma chantunala dad OGD.
- Tgirar e publitgar datas sin la plattafurma dad OGD sco er munir talas cun metadatas standardisadas.
- Preparar basas statisticas e da l'economia publica per las publicaziuns tematicas da la partiziun Datas e statistica.
- Generar dashboards e visualisaziuns da datas.
- Implementar process e standards per l'eruida, la qualitad e la segirezza da las datas sco er per la gestiun da las datas.
- Collavurar cun partenaris entaifer ed ordaifer l'administraziun sco er cun ulteriuras gruppas d'interess e cun gruppas specificas per promover e per sviluppar vinavant la purschida dal OGD.
- Cooperar activamain al svilup d'ina community chantunala dad OGD sco er a la planisaziun ed a la realisaziun d'events per la community.
Quai che nus giavischain da Vus
- Diplom d'ina scola auta u d'ina scola auta spezialisada en economia, management d'infurmaziuns, scienzas da datas u en in sectur sumegliant.
- Bunas enconuschientschas ed experientscha en la gestiun ed en l'elavuraziun da datas.
- Fitg bunas enconuschientschas dal tudestg a bucca ed en scrit; bunas enconuschientschas da l'englais, ulteriuras linguas chantunalas èn d'avantatg.
- Enconuschientschas da programmar cun Python e cun R vegnan premessas.
- Enconuschientschas da basa en Web Development (CSS, HTML).
- Moda da pensar analitica ed orientaziun als detagls cun ina moda da lavurar orientada a soluziuns.
- Persunalitad innovativa ed independenta che lavura gugent en il team ed ha gugent sfidas.
Nus ans legrain da Vossa annunzia online e da far Vossa enconuschientscha.