Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil tschertgain nus per il 1. da november 2025 u tenor cunvegna ina collavuratura u in collavuratur per l'assistenza da requirentas e requirents d'asil e da persunas minorennas betg accumpagnadas.
Voss champ d'incumbensas
- Assistenza, occupaziun, servetsch da chasa e da sanadad, liquidaziun da lavurs administrativas
- Sustegn, accumpagnament e promoziun en connex cun dumagnar il mintgadi
- Intermediaziun e trenament da las cumpetenzas da basa ch'èn indispensablas pli tard per l'independenza
- Persuna da contact per tut las situaziuns da vita, svilup da confidenza
- Sustegn da las autras collavuraturas e dals auters collavuraturs sco er da la direcziun dal center
Quai che nus giavischain da Vus
- Scolaziun da basa terminada en il sectur da pedagogia sociala, d'assistenza, da medischina u en in sectur sumegliant
- Moda da lavurar independenta cun orientaziun a las finamiras ed al team
- Abilitad da supportar squitsch ed empatia en il contact cun persunas giuvnas da differentas derivanzas culturalas
- Pazienza, flexibilitad e forza da persvader
- Enconuschientschas da linguas estras ed il permiss da manischar autos da persunas èn d'avantatg
Nus ans legrain da Vossa annunzia online e da far Vossa enconuschientscha.