Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) fa las valitaziuns uffizialas da bains immobigliars en il chantun, e quai en sis lieus.
Questas valitaziuns vegnan communitgadas a las proprietarias ed als proprietaris. Plinavant vegnan las datas utilisadas pli tard da las autoritads fiscalas chantunalas e communalas, da l'Assicuranza d'edifizis dal Grischun sco er dals uffizis dal register funsil. Las valitaziuns da revisiun che vegnan fatgas vischnanca per vischnanca han lieu mintga 10 onns. Ultra da quai pon las proprietarias ed ils proprietaris dumandar da tut temp ina valitaziun.
Per il 1. da schaner 2026 u tenor cunvegna tschertgain nus ina persuna motivada sco manadra u manader dal team Administraziun per noss posts a Tusaun e Glion.
Voss champ d'incumbensas
- Manar en reguard persunal e professiunal 5 collavuraturas e collavuraturs en noss posts da Tusaun e Glion
- Preparar, rectifitgar ed endatar datas da bains immobigliars en il sistem da valitaziun per las valitadras ed ils valitaders d'immobiglias
- Communitgar disposiziuns da valitaziun e quints da taxas
- Emprima persuna da contact per dumondas en scrit e per telefon
- Liquidar en moda effizienta differentas lavurs administrativas
- Sustegnair il team da valitaziun en fatgs administrativs
Quai che nus giavischain da Vus
- Emprendissadi terminà sco commerzianta u commerziant AFQ u scolaziun sumeglianta
- Expressiun segira en tudestg a bucca ed en scrit, enconuschientschas d'autras linguas chantunalas èn d'avantatg
- Utilisaziun segira dals meds d'informatica moderns
- Moda da lavurar structurada, independenta e precisa
- Persunalitad orientada als servetschs ed a las soluziuns cun abilitad da lavurar en in team, prontezza a l'acziun ed atgna iniziativa
- Experientscha da manar persunas èn d'avantatg
Nus ans legrain da Vossa annunzia online e da far Vossa enconuschientscha.