Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per l'Administraziun da taglia tschertgain nus per immediat u tenor cunvegna ina referendaria u in referendari per la secziun Taglia a la funtauna. La plazza è limitada ad in onn, cun la pussaivladad da survegnir in engaschament fix.
Voss champ d'incumbensas
- Vus essas responsabla u responsabel per registrar ils rendaquints da la taglia a la funtauna sco er per controllar e per curreger quests rendaquints cun consultar las patrunas ed ils patruns sco er las vischnancas.
- Vus liquidais la correspundenza specifica ed essas la persuna che dat infurmaziuns per telefon a patrunas e patruns sco er a lavurantas e lavurants da las vischnancas attribuidas a Vus sco er ad auters posts da servetsch.
Quai che nus giavischain da Vus
- Vus avais ina scolaziun professiunala en il sectur commerzial, avais in fitg bun flair per ir enturn cun cifras ed essas pronta u pront d'As approfundar svelt en ils temas da la taglia a la funtauna.
- Experientscha en il sectur fiscal u en l'administraziun da salaris è d'avantatg.
- Vus essas disada u disà da lavurar en moda independenta, avais l'abilitad da supportar squitsch e da lavurar en in team, essas ina persuna flexibla e disponis d'ina tscherta forza da persvader.
- Vus avais plaschair dal contact cun la clientella e Vossa moda da communitgar avertamain facilitescha Vossa lavur.
- Vus avais in stil segir a bucca ed en scrit en tudestg. Enconuschientschas dal talian èn d'avantatg.
Nus ans legrain da Vossa annunzia online e da far Vossa enconuschientscha.