Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post da servetsch ch'è suttamess directamain al Departament da giustia, segirezza e sanadad è l'Uffizi da sanadad responsabel per las incumbensas en il sectur dals fatgs da sanadad, ch'èn vegnidas surdadas ad el tras lescha e tras ordinaziuns. Particularmain è l'Uffizi da sanadad responsabel per il provediment e per la prevenziun da la sanadad, uschenavant che quai èn incumbensas chantunalas. Las activitads da l'Uffizi da sanadad pon principalmain vegnir repartidas en ils suandants secturs: permissiuns e surveglianza da las professiuns e da las instituziuns dals fatgs da sanadad, servetsch da medi chantunal, controlla da medicaments e da narcotics, promoziun da la sanadad e da la prevenziun sco er controlling en cas da la concessiun da contribuziuns chantunalas a las instituziuns dals fatgs da sanadad subvenziunablas.
Il Servetsch giuridic è responsabel per survegliar persunas e manaschis en il sectur da sanadad, e quai sin ils champs giuridics ch'èn attribuids a l'Uffizi da sanadad tenor il dretg federal e chantunal (Lescha da sanadad, Lescha davart ils products terapeutics, Lescha davart las professiuns medicalas, Lescha davart las professiuns da sanadad, Lescha d'epidemias, Lescha davart l'assicuranza da malsauns). El cusseglia resp. sustegna il post da servetsch e las partiziuns spezialas en dumondas giuridicas, dat infurmaziuns giuridicas en il sectur da sanadad e coordinescha, tranter la Confederaziun ed il chantun, l'execuziun da l'obligaziun d'avair in'assicuranza da malsauns.
Nus tschertgain tenor cunvegna ina collavuratura giuridica u in collavuratur giuridic per il Servetsch giuridic.
Voss champ d'incumbensas
- Exequir proceduras administrativas e disciplinaras pertutgant il dretg da surveglianza sco er proceduras da surpassaments, en spezial manar proceduras e rediger disposiziuns da la polizia sanitara
- Realisar proceduras concernent la liberaziun dal secret professiunal
- Rediger posiziuns en proceduras da recurs pertutgant il dretg da surveglianza
- Elavurar dumondas tenor la Lescha da transparenza
- Sustegnair las vischnancas en connex cun la realisaziun da l'obligaziun d'avair in'assicuranza da malsauns
- Far scleriments giuridics en il sectur da sanadad
- Cussegliar giuridicamain las partiziuns spezialisadas
- Collavurar cun las persunas spezialisadas dal post da servetsch en ils secturs medischina, medischina dentala e medicaments
- Preparar posiziuns per mauns dal departament u da la Confederaziun
Quai che nus giavischain da Vus
- Studi da giurisprudenza terminà, da preferenza patenta d'advocata u d'advocat
- Experientscha professiunala d'intgins onns en l'administraziun publica, tar ina dretgira u en in'advocatura
- Moda da lavurar independenta ed exacta
- Prontezza da surpigliar responsabladad
- Abilitad da lavurar en in team, gronda cumpetenza sociala
- Abilitad da pensar en moda analitica, structurada e concepziunala
- Bun dun receptiv
- Abilitad da tgirar in barat interdisciplinar
- Buna expressiun e stil segir a bucca ed en scrit per tudestg
- Bunas enconuschientschas d'utilisar il computer
- Enconuschientschas da basa dal talian èn d'avantatg
Nus ans legrain da Vossa annunzia online e da far Vossa enconuschientscha.