Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per la Chanzlia chantunala tschertgain nus per il 1. d'october 2025 u tenor cunvegna ina translatura u in translatur per il talian.
Voss champ d'incumbensas
- Vus lavurais en il Servetsch da translaziuns talian ed essas cumpetenta u cumpetent per la translaziun en talian ed en tudestg da projects da votaziun, da consultaziuns, da conclus da la Regenza e dal Cussegl grond, da communicaziuns a las medias e d'ulteriurs texts per las medias e per il Fegl uffizial chantunal sco er da texts da la Chanzlia chantunala, dals departaments e da las partiziuns.
- Ultra da quai translatais Vus las actualisaziuns dal Cudesch da dretg talian, cussegliais posts da servetsch en dumondas dal diever linguistic, controllais models da stampa e cooperais mintgatant tar elecziuns e tar votaziuns.
Quai che nus giavischain da Vus
- Questa incumbensa multifara sin in champ interessant premetta ina persunalitad cun ina scolaziun adequata (p.ex. scola da translaturs u scola d'interprets, studi universitar).
- Nus spetgain che Vus sappias perfetgamain talian ed hajas bunas enconuschientschas dal tudestg. Enconuschientschas d'ulteriuras linguas èn d'avantatg.
- Experientscha en il sectur da translaziun sco er chapientscha per dumondas giuridicas èn giavischadas.
- La funcziun pretenda plinavant bunas enconuschientschas da l'informatica; d'avantatg èn experientschas cun il program da translaziun SDL Trados/Multiterm.
- Flexibilitad, abilitad da lavurar en in team e da supportar squitsch sco er atgna iniziativa cumpletteschan Voss profil.
Nus ans legrain da Vossa annunzia online e da far Vossa enconuschientscha.