Ensemen per il Grischun
La Banca Chantunala Grischuna (BCG) porscha tut quai che caracterisescha ina banca universala moderna – per persunas privatas, per l'economia e per il maun public. L'interpresa cun sedia principala a Cuira è represchentada en passa 40 lieus dal Grischun. Cun sias var 1000 collavuraturas e collavuraturs è la BCG ina da las pli grondas patrunas en il chantun ed ina da las meglras en la branscha da finanzas da la Svizra. Ultra da sias activitads economicas s'engascha la BCG per projects socials e culturals en il Grischun.
Cun in gudogn dal concern da stgars 230 milliuns francs ha la BCG realisà l'onn 2024 il segund meglier resultat da sia istorgia. Grazia ad ina gronda basa d'agen chapital è ella ina banca segira e stabila. Ella è acziunaria unica da la BZ Bank SA e tegna participaziuns da maioritad da la banca privata Bellerive SA e da l'administraziun da facultad Albin Kistler SA. Il certificat da participaziun da la BCG è quotà a la bursa.
La Regenza dal chantun Grischun tschertga per il 1. d'avrigl 2026 ina commembra u in commember dal cussegl da banca da la Banca Chantunala Grischuna.
Voss champ d'incumbensas
Sco commembra u commember dal cussegl da banca, ch'è l'organ suprem da la BCG e che cumpiglia set persunas, essas Vus incumbensada u incumbensà cun la direcziun strategica da la banca. Vus surpigliais en spezial las suandantas incumbensas:
- Fixar ils princips da la strategia da fatschenta ed il rom per l'activitad commerziala
- Approvar la politica da ristgas e survegliar il management da las ristgas sco er l'observanza da prescripziuns regulatoricas
- Eleger e survegliar la direcziun sco er la manadra u il manader da la revisiun interna ed il chief risk officer
- Responsabladad per la politica da salaris e da persunal
- Controllar ed approvar il quint annual, il preventiv e l'utilisaziun dal gudogn
- Ulteriuras incumbensas tenor il dretg federal e tenor la Lescha davart la BCG
Quai che nus giavischain da Vus
Vus avais enconuschientschas specificas ed experientschas fundadas en il sectur da bancas e da finanzas, en il cas ideal en ils secturs dal dretg dal martgà da finanzas, da la surveglianza da las bancas, da l'ambient regulatoric, da compliance e da corporate governance.
Plinavant avais Vus in vast stgazi d'experientschas giuridicas, ina savida fundada dals fatgs da banca ed – en il cas ideal – experientschas cumprovadas en la direcziun strategica d'interpresas quotadas a la bursa.
Las suandantas qualitads cumpletteschan Voss profil:
- Abilitads analiticas ed in pensar tenor princips d'interpresa
- Abilitad da lavurar en in team e plaschair d'ina collavuraziun da confidenza en il gremi
- Identificaziun cun la cultura da l'interpresa, cun las finamiras da proprietari e cun las finamiras strategicas da la BCG
- Bunas enconuschientschas da las relaziuns politicas, economicas e socialas dal chantun Grischun èn d'avantatg
- Avunda temp a disposiziun
Signur Fredy Hausammann, managing partner, fredy.hausammann@amrop.ch, tel. +41 44 919 86 86