Sviluppadra u sviluppader da persunal

Uffizi da persunal | 80–90 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l'avegnir da l'administraziun chantunala dal Grischun.
Sco center da cumpetenzas da HR realisescha l'Uffizi da persunal incumbensas strategicas ed operativas per l'entira administraziun chantunala dal Grischun. Nus contribuin al fatg, ch'il chantun Grischun è in patrun attractiv e progressiv.

Gidas ti gugent a concepir, sustegnas persunas da far in pass enavant ed has in senn per in svilup dal persunal modern? Alura es ti la dretga persuna per nus! En l'Uffizi da persunal surpiglias ti ina rolla centrala en l'organisaziun ed en l'ulteriur svilup da la furmaziun supplementara per l'administraziun chantunala dal Grischun.

Perquai che la titulara actuala da la plazza va proximamain en pensiun tschertgain nus per il 1. da favrer 2026 u tenor cunvegna ina sviluppadra u in sviluppader da persunal per il team Svilup.

Tes champ d'incumbensas

  • Organisar ed administrar programs da curs sco er cussegliar davart dumondas da furmaziun supplementara
  • Cooperar, realisar e diriger concepts strategics ed operativs per il svilup dal persunal
  • Sviluppar vinavant purschidas da furmaziun modernas (curs, e-learnings, workshops)
  • Far il monitoring e controlling sco er garantir la qualitad da las mesiras dal svilup dal persunal

Quai giavischain nus da tai

  • Studi terminà en economia da manaschi u furmaziun supplementara en fatgs da persunal (attestat professiunal federal HR)
  • Experientscha professiunala da plirs onns en il sectur dal persunal, en il cas ideal cun experientscha en la furmaziun da persunas creschidas ed en il management da projects
  • Abilitads cumpetentas da plattafurmas d'emprender digitalas e da metodas modernas d'intermediar savida
  • Fitg bunas abilitads communicativas, atgna iniziativa e gronda orientaziun al team

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da persunal
Steinbruchstrasse 18
7000 Cuira
Per dumondas stat Sonja Rauner-Parpan, manadra Svilup, gugent a tia disposiziun sut il numer da telefon 081 257 88 22 u per e-mail a sonja.rauner@pa.gr.ch.

Termin d'annunzia: 17 d'avust 2025
Nus ans legrain da tia annunzia online e d'emprender d'enconuscher tai.
S'annunziar online