Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun tgira l'Uffizi da construcziun auta ils interess dal chantun sco proprietari d'immobiglias ubain sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.
Per il 1. d'october 2025 u tenor cunvegna tschertgain nus ina referendaria u in referendari per il management da las plazzas da parcar
Sco referendaria u referendari per las plazzas da parcar As spetgan in ambient da lavur avert a Cuira, pussaivladads attractivas d'absolver furmaziuns supplementaras e libertad per la famiglia e per la concepziun dal temp liber.
Voss champ d'incumbensas
- Avair la responsabladad per il manaschi senza disturbis da las plazzas da parcar chantunalas (intern/extern)
- Cooperar a la preparaziun e gestiun da plazzas da parcar e da staziunament
- Administrar, elavurar e far il rendaquint da las permissiuns da parcar
- Elavurar e liquidar denunzias en cas d'in incassament da taxas mancant
- Dar infurmaziuns davart il management da las plazzas da parcar e manar il portfolio da las plazzas da parcar
- Organisar e coordinar scumonds giudizials da parcar
Quai che nus giavischain da Vus
- Emprendissadi commerzial terminà u scolaziun equivalenta
- Vus avais plaschair ed inschign d'ir enturn cun differentas gruppas d'interess
- Vus communitgais en moda clera e lavurais gugent en in team, particularmain en projects
- L'applicaziun da tools digitals è per Vus chaussa da mintgadi
- Vus avais ina moda da pensar entretschada e d'interprendider
- Vus lavurais en moda engaschada, independenta ed orientada als servetschs
- Vus avais ina demananza segira, amiaivla e persvadenta
- Vus avais ina moda da s'exprimer stilisticamain correcta
- Ina vasta savida generala As distingua ed en il cas ideal discurris Vus talian
Nus ans legrain da Vossa annunzia online e da far Vossa enconuschientscha.