Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Autoritad per la protecziun d'uffants e da creschids APUC è qua per persunas en miseria. Tgi che dovra agid e sustegn, po sa fidar da la APUC. Tar nus n'è betg in di sco l'auter. En il team interdisciplinar concepin nus activamain in avegnir segir per persunas creschidas, famiglias, uffants e giuvenils cun basegn da protecziun.
Nus tschertgain per il 1. da settember 2025 u tenor cunvegna ina collavuratura u in collavuratur per l'administraziun (jobsharing pussaivel) da la APUC Grischun, filiala Surselva.
Voss champ d'incumbensas
- Esser la persuna responsabla per la direcziun organisatorica da l'administraziun
- Coordinar las lavurs d'administraziun variadas sco il servetsch da telefon, il retschaviment, l'elavuraziun da la posta, l'elavuraziun e la spediziun da las decisiuns, l'administraziun dals dossiers da clients fisics ed electronics e l'archivaziun correcta
- Rediger la correspundenza ed ulteriuras elavuraziuns specificas sco la contabilitad
- Far lectorats da decisiuns e correspundenzas pretensiusas sco er scriver protocols e metter ensemen datas e statisticas
- Gestiunar il sistem da controlla intern per las proceduras e mesiras, la controlla dals termins, la facturaziun e.u.v.
Quai che nus giavischain da Vus
- Emprendissadi terminà sco commerzianta u commerziant AFQ u scolaziun sumeglianta
- En il cas ideal experientscha d'organisar ina chanzlia u in secretariat
- Talent organisatoric cun ina moda da lavurar exacta, structurada ed orientada a soluziuns
- Fitg bunas enconuschientschas dal tudestg a bucca ed en scrit; enconuschientschas dal rumantsch e dal talian èn d'avantatg
- Bunas abilitads da s'exprimer linguisticamain sco er bunas enconuschientschas en l'applicaziun dals programs da Microsoft Office
- In flair per cifras e per connexs da contabilitad
- Abilitad da supportar squitsch, plaschair da decider sco er capacitad da persvader e da communitgar
- Ina persunalitad flexibla ch'è abla da lavurar en in team e cun in pensar cumplessiv
- Gronda cumpetenza sociala ed empatia envers persunas en situaziuns da vita difficilas
Nus ans legrain da Vossa annunzia online e da far Vossa enconuschientscha.