Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament da giustia, segirezza e sanadad ademplescha incumbensas multifaras per la populaziun grischuna e cumpiglia otg posts da servetsch sco er il Secretariat dal departament. In da quests posts da servetsch è l'Uffizi da migraziun e da dretg civil dal Grischun. L'uffizi s'occupa d'incumbensas dals secturs da la migraziun, da l'asil e da la repatriaziun, da l'entrada en Svizra, da la dimora e da documents d'identitad, da l'integraziun, dals dretgs da burgais e dals dretgs civils (en spezial dal stadi civil e dal dretg da num). La direcziun da l'uffizi è situada en il center da Cuira. Vus pudais far quint cun in team che collavura fitg bain, cun ina cultura d'avertadad e da stima sco er cun in'atmosfera da lavur orientada a soluziuns. Sco manadra u manader essas Vus suttamess directamain al schef dal Departament da giustia, segirezza e sanadad.
Pervia dal pensiunament dal manader actual tschertgain nus per il 1. da zercladur 2026 u tenor cunvegna ina nova manadra u in nov manader da l'Uffizi da migraziun e da dretg civil.
Voss champ d'incumbensas
- Surpigliar la responsabladad organisatorica, spezialisada, persunala e finanziala per il post da servetsch cun circa 200 collavuraturas e collavuraturs
- Garantir che las fatschentas specificas da l'uffizi vegnian liquidadas confurm a l'urden e procurar ch'ils proceders sajan effizients e n'hajan naginas rupturas tranter ils mediums
- Preparar fatschentas da la Regenza e dal Cussegl grond ord il sectur da cumpetenza da l'uffizi sco er cooperar a la legislaziun
- Procurar per ina infurmaziun adequata da la publicitad e respunder dumondas da las medias
- Exequir la legislaziun federala e chantunala da migraziun, d'asil e d'integraziun
- Surpigliar la responsabladad per l'integraziun ed il svilup sco er per la realisaziun dals programs respectivs
- Manar, accumpagnar e realisar projects
- Represchentar ils interess en cumissiuns, en gruppas da lavur ed a maisas radundas
- Tgirar contacts cun uffizis federals, posts da servetsch chantunals, autoritads communalas ed organisaziuns partenarias dal sectur da migraziun e d'asil
Quai che nus giavischain da Vus
- Diplom da scola auta da preferenza en il sectur giuridic sco er scolaziun en direcziun e management
- Enconuschientschas en ils secturs asil, migraziun ed integraziun èn giavischadas
- Lunga experientscha en posiziuns directivas e/u en l'administraziun publica
- Enconuschientschas ed experientscha da las structuras politicas ed administrativas sco er dals andaments da proceduras en il chantun
- Sensibilitad per valitar situaziuns politicas da tut gener
- Maletg positiv da l'uman e tenuta da basa cun stima
- Excellentas abilitads da communitgar ed experientschas en il management da conflicts
- Grondas cumpetenzas socialas, abilitad da supportar squitsch e plaschair da la collavuraziun interdisciplinara
- Enconuschientschas dal talian e/u dal rumantsch èn d'avantatg
Nus ans legrain da Vossa annunzia online e da far Vossa enconuschientscha.